INFORMACIÓN ADMISIÓN FP

Comeza o prazo de inscición para os ciclos formativos de FP

O xoves 23 de xuño comeza o prazo de inscrición para ciclos formativos de FP de grao medio e de grao superior en réxime ordinario, en réxime para as persoas adultas, en cursos de especialización e na FP dual.
Achéganse documentos con instrucións de interese para os centros, que tamén estarán dispoñibles nas áreas de axuda de Ciclosadmisión:

• Información para centros admisión 2022-2023 (información xeral do proceso de admisión nos distintos réximes, modalidades e graos).
• Información para centros cursos de especialización 2022-2023 (instrucións xerais sobre os cursos de especialización).
• Cronograma admisión centros 2022-2023 (guía rápida de consulta de todos os fitos e prazos do proceso de admisión).
• Instrucións para solicitantes con titulacións obtidas fóra de España.

Ademais, achéganse as instrucións xerais sobre o proceso de admisión a réxime ordinario e réxime para as persoas adultas, FP dual e cursos de especialización, que son públicas e están dispoñibles no portal de FP. É necesario sinalar que a tramitación de solicitudes de FP dual e de cursos de especialización só poderá facerse nos centros con oferta destas ensinanzas.
A dirección do centro deberá verificar a oferta de ciclos, módulos e prazas tanto na aplicación Ciclosadmisión como na páxina web de FP (http://www.edu.xunta.es/fp/oferta-fp). Esta oferta xa está dispoñible en Ciclosadmisión, exceptuando FP dual.
De atopar algún erro, rogamos o comuniquen á maior brevidade posible a este enderezo: admision.ciclos@edu.xunta.gal
Novidade: Este ano non haberá período extraordinario de presentación de solicitudes en ningún réxime nin modalidade.
Pódense consultar todos os documentos informativos sobre o proceso de admisión a ciclos formativos e cursos de especialización en http://www.edu.xunta.gal/fp/informacion-xeral

• Instrucións xerais do proceso de admisión do réxime ordinario e para as persoas adultas.
• Instrucións xerais do proceso de admisión FP dual.
• Instrucións xerais de admisión cursos especialización.
• Instrucións sobre como realizar a solicitude web.
• Requisitos de acceso nos cursos de especialización.
• Preferencias de acceso a grao medio desde grao básico.
• Criterios de desempate.
• Modalidades de bacharelato preferentes e materias vinculadas para o acceso a ciclos de grao superior.

Esta é unha ligazón para axuda de solicitudes.

[ pechar ]